تجربتي لإختبار 93 SMLE
بسم الله الرحمن الرحيم ؛ السلام عليكم ورحمة الله وبركاته .
حياكم الله جميعًا ، راح أشارككم تجربتي في إختبار من البداية للنهاية ، الحمدلله حصلت على 92% بمجموع نقاط 752 من أصل 800 ، من أول محاولة ✅ ؛ وحصلت على 93% من المحاولات المتبقية ✅ ، بإذن الله أني أفيدكم 🤍..
- مدة المذاكرة ؟
مدة المذاكرة تفرق من شخص لشخص ، لكن أفضل مدة تقدر أنك تنجز فيها وماتنسى المعلومات هي من شهرين الى ثلاث شهور ، وتختلف حسب استطاعة الشخص ومقدرته ، البعض يكفيه شهر ونص والبعض يحتاج اكثر من ثلاث شهور .
- متى بدأت المذاكرة ؟
بدأت الأستعداد والتجهزي المبدئي من تاريخ 20 جون ، كان عبارة عن ترتيب خطة وأستعداد نفسي وأتفاق مع القروب على بعض النقاط .
طلعت رحلة لمدة أسبوعين فما قدرت أصحح أو أذاكر من 16 جولاي الى بداية أوقست ؛ لكن كنت بادي قبلها من 20 جون.
يعني مدة مذاكرتي إجمالًا كانت تقريبًا شهرين ونصف للمحاولة الأولى..
المحاولات الأخرى ماكنت أتجاوز أسبوعين مذاكرة ومراجعة.
- طريقة المذاكرة ؟
كنت أذاكر مع قروب مكون من 7 أشخاص ، بس بعد شهرين البعض حصل له ظروف وتقلص العدد الى 5 أشخاص ، بالنسبة لي مذاكرة القروب كانت أفضل أختصارًا للوقت + تشوف وجهات نظر وأراء مختلفة عن اللي تعرفه وفيه مساعدة من اللي معاك بالقروب خاصة بالبدايات أن التصحيح ياخذ وقت ف تحس الشغل ماشي ، والحمدلله توفقت بالقروب اللي معاي وكلهم جابوا فوق +86🤍.
طبعًا هذا ماينفي أن الشخص يقدر يذاكر لحاله ويجيب درجة عالية؛ خصوصًا الحين المصادر صارت متاحة والقنوات المتخصصة في كل قسم صارت كثير وحلولهم مضمونة فالحاجة للقروب قلّت، ممكن الشخص يذاكر لحاله ويجيب الدرجة اللي بخاطره، وفيه ناس جابوا درجات عالية وكانوا يذاكرون لحالهم ف أبدًا لا تشيلون هم.
خطتنا كانت نصحح 6 شهور قبل الإختبار من شهر أبريل ، وهذا اللي مشيت عليه وثبته ك خطة بالنسبة لي ، ؛
بدينا نصحح من شهر أبريل إلى سبتمبر قبل الإختبار ؛ كنا نأخذ ملفات Daily updated file ونحولها الى ملف google documents ، عشان اي شخص يعدل ويكتب اجابته ينحفظ التعديل وحطيناه في درايف مرتب لكل شهر والصور تبعه.
نتوزع الملف على القروب ونحط deadline ، ونبدأ نصحح وكل شخص لازم يحط تبرير ومصدر لإجابته ، وكنا نسوي double check لبعض ؛ بعض الاسئلة اللي فيها صعوبة او مناقشة كنا نخصص لها يوم في آخر الاسبوع نجتمع زوم ابو ساعة ونناقشها .
كنّا نصحح الاسئلة من مصادر متعارف عليها مثل:
إذا حصلنا السؤال في كورس أم القرى نعتمد حلهم، في كورس د.صفدر نعتمد حلّه، قنوات أشخاص جايبين درجات عالية أو 100% نعتمد حلّهم وهكذا، المفروض نراجع وراهم بس اذا كان التفسير والمصدر موجودين خلاص نكتفي فيهم، ماحصلنا الإجابة ؟ ممكن نبحث في قنوات التيليقرام ( القنوات المهمة موجودة تحت ) ونشوف وجهات النظر واللي مصادره كويسة ومانعتمد أبدًا الإجابات حقتهم الا إذا كنا متأكدين لأن بعضهم يجاوب بدون مصدر أو يجاوب زي اللي قبله🤷🏻♂️ ف لازم تتأكدون وممكن من خلال البحث يطلع صيغة للسؤال أوضح أو كاملة وتسهل عليكم البحث عن الاجابة ، ماحصلنا الاجابة 🥲؟ نشوف المراجع والمواقع زي Amboss, UTD, Books .
كنت أذاكر 6 أيام في الأسبوع بمعدل مايقل عن متوسط 6-8 ساعات يوميًا ، ويوم راحة غالبًا الجمعة .
مصادر المذاكرة :
أهم مصدر وأهم حاجة التجميعات ، خاصة اللي قبل أختبارك، أنا كان أختباري بنهاية سبتمبر ، غطيت 6 شهور قبل يعني من أبريل ؛ وفي شهور زي يناير وفبراير ومارس قريتهم بشكل سريع من ملفات مصححة جاهزة من دكتورة أسمها جليلة ؛ وطبعًا كل ما غطيت شهور أكثر وقريت اسئلة أكثر كل ما زادت درجتك وكان أداءك أفضل أكيد، بالنسبة لي لو كان عندي وقت أكثر غطيت أكثر من 6 شهور ، لكن كل شخص وأستطاعته👍🏻.
أختباري كان فيه نسبة تجميعات جيدة ؛ ولكن كان فيه اسئلة جديدة كليًا ، لكن تنحل بسهولة لو كنت فاهم المطلوب وقصدي أنك فاهم يعني ماتحفظ السؤال فقط ، اذا مر عليك السؤال تعرف ليش أخترت اجابتك 👍🏻 وليش ما اخترت الباقي ، وهذا اللي يفرق معك ؛ كثير اسئلة جاتني من التجميعات ولكن غيرت اجابتي في الاختبار لان كان السؤال ناقص مررة في التجميعات ، بس في الأختبار كان كامل وواضح فلا تشيلون هم من هذي الناحية.
والاسئلة الجديدة تنحل بالإستبعاد 👍🏻.
القروبات اللي تهمك :
https://t.me/silent_2023m ( أفضل قناة حاليًا للتجميعات وفعّالة ).
كل القروبات اللي فوق تنزل اسئلة يومية وأنصحكم تتابعونها كلها لأنها بتفيدكم في حاجتين مهمة؛ أولًا راح تتابع الاسئلة اللي تنزل بشكل يومي؛ ثانيًا اذا جيت تبحث لأي سؤال راح تحصله طلع لك كثير أو اسئلة مشابهة له ف تدخل وتشوف تعليقات اللي مجاوبين، بعضهم يكون حله صح وحاط مصدر وبعضهم ممكن مايكون صح ، فأكيد راح يفيدك انك تشترك فيهم كلهم.
قناة د.حمزة ينزل اسئلة ويحلها ، خاصة بالسيرجري وعنده ملف مصحح رهيب ، ماشاء الله عليه جايب 100% في السيرجري
قناة كويك ريكول ، د.عبدالرحمن القويز والدكاترة اللي معاه غنيين عن التعرييف ♥️، يعطيهم العافية عملوا ملف فيه كل الاسئلة الصعبة واللي عليها نقاش وشرحوها وحلوها من كل التخصصات سواءً بيديا قايني ميدسن او سيرجري، أنصحكم في هذي القناة خصوصًا مواضيع السيرجري تأسسك 👍🏻، نصيحة لا يفوتكم الملف + النوتات والصور اللي في قناته رهيبة مرررة ، حتى بعض الاسئلة اللي فيه نقص او اختلاف يحاولون يوضحون لك كل شيء ويجيبون من مصادر موثوقة 👍🏻.
وماشاء الله على د.عبدالرحمن جايب 100% في السيرجري
قناة أم القرى ( د.إيلاف، د.الأحمدي، د.العدني ) ؛ أفضل قناة وكورس ممكن تشوفه للمدسن ، ولو فهمت شرحهم وركزت معاهم بمقاطعهم خاصة إنهم يعطون أسئلة ويشرحون على كل سؤال ويعطونك أكثر من سيناريو للسؤال نفسه 👍🏻 وبإذن الله تجيب درجة عالية بالمدسن ، الله يكتب أجرهم
قناة د.العبيدي ؛ جراحة ، صراحة بعض الحلول ما أتفق معاه فيها وحليتها حسب بحثي وقناعتي بالإجابة ؛ لكن كنت أعتمد اسئلته لقسم trauma
قناة SMLE surgery ؛ يعطيهم العافية يحلون أسئلة الجراحة ويشرحونها شرح مبسط ومن مصادر موثوقة 👍🏻؛ صراحة ما مريت على كل قناتهم بس كنت أراجع منهم بعض الأسئلة .
قناة حمود رائعة للسيرجري وفيها التجميعات الجديدة ومرتبة بملف و approaches مفيدة ( ماذاكرت منها ولكن شفتها على السريع أنصحكم فيها):
قناة الأسئلة المتشابهة ؛ فكرتها رهيبة جدًا جدًا ، فيه اسئلة دايم نلخبط بينها ومتشابهة، هذي القناة تعطيك كل الاسئلة المتشابهة وحلولها ؛ فيه بعض الاسئلة فيها حلول ماني متأكد منها ف تأكدوا منها ( قليلة مرة) ، انصحكم فيها تفك ازمة لخبطة الاسئلة المتشابهة.
https://t.me/+T6Qfi895khAzNWQ0
قناة بدران أنصح فيها الله يجزاه عننا كل خير فيه حلول وملفات مضمونة :
قناة أحد الأطباء الله يجزاه خير جاب درجة عالية وفيها ملفات مرتبة لشهر ديسمبر:
- يحتاج تدخل كورسات ؟
نبدأ من البيديا :
البيديا دخلت دورة د.أسامة صفدر ؛ رائعة جدًا وأنصح أي شخص عنده ضعف في البيديا يدخلها ؛ طبعًا ماتابعت المقاطع صراحة ؛ اكتفيت بالسلايدز ، ومع التجميعات وسلايدز صفدر وفهمهم ، أيضًا فيه بعض الاسئلة عند د.صفدر قليلة اضطريت أسوي لها double check وعدلت عليها حسب اللي مقتنع فيه أنا وبحثي للسؤال وكانت أجابتي مختلفة عن د.صفدر ، لكن إجمالًا كانت حلولة صحيحة ، ولو فهمت سلايدز صفدر وقريتهم زين وراجعتهم البيديا صدقني بتكون أسهل قسم إن شاء الله.
كنت أصحح لأسئلة البيديا من Nelson + AAP + Amboss + UTD
بالنسبة للمايل ستونز ؛ اعتمدت جدول نيلسون + أضفت عليه الحاجات الناقصة من toronto+ Amboss + illustrated وصفدر.
الفاكسيينز احفظها وأكتبها على البورد او الورقة الموجودة عندك وقت الإختبار أول ما تدخل في حال راح تناسها مع الاسئلة.
والحمدلله جبت في البيديا 100%
وهذي قناة خاصة بالبيديا :
الاوبي قايني : صراحة أكتفيت بملزمة الدكتورة وفاء الله يجزاها عنّا كل خير + اسئلة التجميعات
وكنت أصحح من Ten teacher + Wiliams + ACOG + Amboss
والحمدلله جبت في الأوبي قايني 100%
قناة الاوبي قايني الجديدة ممتازة وتنزل فيها اسئلة جديدة وحلولهم رائعة:
الميدسن : ذاكرت كورس أم القرى وشفت مقاطعهم ، وذاكرت محاضراتهم اللي بالقروب، كنت متردد ادخل دورة زهر الليالي بس مادخلت لان كانت تاخذ وقت كثير ، ماقرأت ملف د.بالحارث ؛ أعتمدت أم القرى فقط + التجميعات في الشهور
كنت أصحح من MKSAP + Amboss + toronto+ UTD
والحمدلله جبت فيه 90%
السيرجري : دخلت دورة د.ثوابة ، وشفت كل المقاطع ، أكون صريح معكم ، حسيت فيها ضياع وقت شوي 😂 لكن اللي يحس نفسه ضعيف في السيرجري عادي يدخلها ، لأن فعلًا فيه اشياء استفدت من الكورس ولو مادخلته ماعرفت هذي الأشياء ، ف صراحة مقارنة بالوقت حقها والفايدة أشوف انها تستحق لو كان عندك متسع من الوقت 👍🏻، وأنا شفت الدورة بداية مذاكرتي يعني كان عندي وقت ، مدري صراحة لو كان الوقت ضيق علي يمديني اشوفها ولا 😂 .
السيرجري ماتقدر تعتمد على مصدر معين ؛ أنا قريت ثوابه + أبوعطيه + أول ثلاث ايام من الدليجان( الملفات بدون شرح) + ملف حمزة + قسم التروما وبعض أسئلة العبيدي + اسئلة التجميعات ..
أدري كثرت لكن لازم تغطي أكبر قدر وتشوف اغلب الاراء لأن فيه بعض الاختلافات بين الاجوبة ..
عاد السؤال اللي فيه أراء مختلفة شف اللي يقنعك وحسب بحثك 🤝
الزبدة : ملف د.حمزة للجراحة وملف كويك ريكول كويسة جدًا وتقدر تعتمد أجاباتهم وتبني عندك أساس خاصة Approach ، الدورات حقت الجراحة ايضًا تقويك وتخليك تعرف تحلل السؤال وتقدر تحله حتى لو اختلف السؤال .
كنت أصحح الجراحة من
schwartz+ washington manual + bailey and love + ATLS + orthobullet
وكنت اعتمد بعض حلول الدكاترة اللي ذكرتهم فوق اذا صادفني نفس السؤال👍🏻.
والحمدلله جبت في الجراحة 89%، كانت أسئلة الجراحة عندي قليل ف كان كل خطأ ينقص نسبة كبيرة في الدرجة ، وإلى الآن محد يدري كيف تنحسب النسبة والدرجة الا الهيئة😂
السايكياتري : قناة السايك رهيبة وعندهم ملف الله يجزاهم خير أنصحكم فيها 👍🏻
الصور والأثكس :صراحة فيه ملف للصور جميل وماطلع منه شيء موجود بقروب Fair وكانت كلها بسيطة ؛ الاثكس اعتمدت قناة smle brain ethics
قناة فيها أغلب الملفات المهمة ومرتبة بشكل كويس ممكن تفيدكم الله يكتب أجر القائمين عليها :
قناة فيها نوتات كويسة ومهمة لكل التخصصات بتفيدكم :
https://t.me/+6zlIOrZbk8Y3YTBk
قناة د. ريان فيها ملخصات وشروحات ممتازة وحلول اسئلة خصوصاً للميدسن:
قناة ممتازة كانت تنزل تجميعات بس وقفت، حلولهم كويسة :
قناة فيها تجميعات يناير ومحلولة بشكل ممتاز:
بعض النصائح :
- طيب الحين عرفنا كيف نذاكر والمصادر؛ وش المفروض أبدأ فيه؟
ببساطة، إذا عندك وقت كافي؛ أفضل شيء تبدأ في الكورسات وتخلصها لأن بتبني عندك أساس+فيه أسئلة بتواجهك فيها ممكن تتكرر عليك بعدين ف يصير أنت عارفها وماتضيع وقت.
طيب لو ماعندك وقت (زيي) وإختبارك قريب، قسمت يومي نص تصحيح اسئلة ونص كورسات عشان أقدر أغطي وأنجز؛ بس كانت تصادفتي بعض الاسئلة احصلها محلولة في كورس أم القرى مثلًا فأضطر اشوف السؤال والتبرير وهكذا.
-توكل على الله ودايم خل ثقتك بالله قوووية ، الأختبار هذا والله فيه نسبة حظ ، وتأكد أن تعبك ماراح يروح عبث وأن الله بيعينك ويوفقك، وكثّر من الدعاء ، ودعاء الوالدين 🤍
- بداية المذاكرة راح تحس كل شيء صعب ، وتاخذ وقت كثير جدًا عشان تصحح سؤال او سؤالين وتشوف مراجع وهذا طبيعي ، مع الوقت بتزيد طاقتك وقدرتك وتعرف بشكل اكبر كيف تصحح ومن وين ، وتعرف بعض الاسئلة مايحتاج تصحيح وهكذا ، أهم شيء الاستمرارية والله ، وكل يوم بتلاحظ نفسك تتطور وتصير تخلص كميات كبيرة في اليوم .
- كنت مقسم يومي الى نص حل اسئلة وتصحيح ومذاكرتها ؛ والنص الثاني مذاكرة كورسات أو دورات بحيث أني ما أمل واحاول اغطي.
- كنت مسوي لنفسي قروب في الواتس نوتات للاشياء المهمة والجداول والاسئلة اللي انساها ؛ ورجعت لها قبل الاختبار بفترة ومشيت عليها سريع .
- سويت ملف خاص بالجداول والاشياء اللي تحتاج حفظ زي السكورات والمايل ستونز وغيرها وراجعته قبل الإختبار بيوم.
- كنت محمل كل ملفات الاشهر عندي بالجوال ومرسلها لأخوي فالخاص ( حاط محادثته أرشيف ومتحملني 😂) واسوي لها مراجعة سريعة بعض الاحيان ، او اذا جاتني الحالة حق اللي اتذكر سؤال بس ناسية ارجع له من المحادثة 😂.
-🔴أهم حاجة وأهم خطوة لازم تنتبه لها أنك لازم تراجع اللي تحس ناسيه ، خاصة قبل أختبارك بفترة ؛ راجع راجع راجع 🙏🏻 صدقني راح تفرق معك كثير حتى لو تسوي خطتك من الآن وتخلي وقت كافي للمراجعة؛ بالنسبة لطريقتي راجعت الاشهر الستة + كورس أم القرى + وفاء (مهم جدًا جدًا) ضروري تراجعونهم لأن المراجعة هي أساس كل شيء + بعض ملفات د.صفدر ؛ رتبوا وقتكم ونظموه على أساس تحاولون قبل الأختبار تراجعون كل شيء وتكونون واثقين من نفسكم 👏🏻 ، وماهو لازم مراجعة مكثفة ( يعني بالنسبة لي كنت زي اللي يسوي scanning واتذكر key words واللي يحتاج حفظ ومراجعة اراجعها مرة ومرتين ) واصلًا بعض الحاجات ماتحتاج مراجعة 👍🏻، لكن فعلًا فعلًا المراجعة فرقت معي كثيييييييير خاصة بالشهور زي أبريل وماي كنت ناسي بعضهم ؛ لكن بس مجرد ماتمر على شيء وتقراه مرة ثانية إن شاء الله يثبت 👍🏻، وأستخدموا طريقة أنك تصور السؤال او المعلومة وتحطها بقروب واتس خاص بالنوتس تبع smle ، راح تتذكرها أسرع 👍🏻، الإيباد بعد فيه ميزة ف النوتبيليتي كنت أحدد مثلًا بعض السلايدز أو الصفحات في كل ملف اللي انساها دايم اعتقد أسمها bookmarks واصير اشوفها بشكل سريع من دون ما اشوف الملف كامل .
- وترا طبيعي بنص الأسبوع وأنت غارق في المذاكرة يجيك أحباط وماتدري وش تسوي وتحس نفسك في دوامة وماتحس أنك قاعد تسوي شيء ، لكن كلها تعدي والله وتتسهل مع الوقت وأحتسب الأجر وربي ماراح يضيع لك تعب ♥️.
- أبدًا لا تلوم نفسك او مذاكرتك لو ما جبت الدرجة من أول او ثاني او ثالث محاولة، النماذج تختلف وحسبة الدرجة تختلف ولا احد يعرفها أبدًا ، وبإذن الله أنك تعوض في الجاي وربي كاتب لك اللي فيه الخير .
- المعذرة على الإطالة ؛ الله يوفقكم جميعًا يارب 🤍.
وفي الختام :
﴿وَأَنَّ سَعْيَهُ سَوْفَ يُرَىٰ﴾
أيقِنوا وتأكَّدوا بأن سعيكم الذي سعيتموه سوف ترونه، والله سيجزيكم به، وما مِن ساعٍ إلا وصل وأدرك.
اللهُمّ لا تحرمنا لذَّة الوصول والحصول والتمكين🤍.
دعواتكم لي ولوالديّ.
دكتور مهدي احتاج إذنك ومشورتك فقط ولا اي شي اخر في مشروع اتمني انه يكون مصدر رزق لي واصرف به علي اهلي ويساعد الكثيير بمبلغ رمزي رجاء رجاااااءآ تتواصل معي هذه صفحتي في التلقرام
ردحذف@resort19
وان شاء الله في ميزان حسناتك